Proxección do documental “Expedición mental” e debate

O venres 29 de maio ás 18:00h dentro das XXVIII Xornadas AGAMFEC terá lugar a sesión “O suicidio, unha nova pandemia”, moderada por Chus Cerecedo (Figura Referente de Saúde Mental de AGAMFEC) no Reitorado da UDC.

Compartiremos reflexións dirixidas a comprender o suicidio como un problema de saúde pública emerxente, abordando o papel clave do médico/a de familia na detección precoz, prevención e acompañamento das persoas en situación de vulnerabilidade.

📽️ Despois da sesión abrimos ao público a proxección do documental “EXPEDICIÓN MENTAL“ e contaremos coa presenza do director, Rubén Riós.

Un percorrido polo Camiño de Santiago con protagonistas que pasaron por problemas de Saúde Mental e expertos en Psiquiatría e Psicoloxía dando visibilidade aos suicidios. Poñendo enriba da mesa o papel dos medios de comunicación de cara a darlle visibilidade ao problema dende un periodismo ético.

Será un espazo de reflexión, proxección e diálogo arredor da saúde mental e da prevención do suicidio, desde unha perspectiva rigorosa, médica, social e cultural.

Aquí podes ver o tráiler:

https://www.expedicion-mental.es/multimedia/

A proxección será ás 19:15h, aberta ao público xeral de forma gratuita ata completar capacidade. Podes reservar a túa praza no CÓDIGO QR ou no seguinte enlace:

https://forms.gle/sxxMQqeaUuAA3tqv9

Animámosvos a participar!

Web das XXVIII Xornadas AGAMFEC