Despois de aplaudir, toca traballar polo fortalecemento do Sistema Nacional de Saúde

0 65

Coincidindo coa comparecencia do Ministro de Sanidade, Salvador Illa, na Comisión para a Reconstrución Social e Económica, a semFYC, reuniuse esta mañá cunha vintena de organizacións sociais e sindicatos nas portas do Congreso dos Deputados para presentar a campaña #DespuésDeAplaudir, que pretende dar continuidade ao espírito dos aplausos promovido dende os balcóns en época de confinamento, e que tivo como insignia a defensa da sanidade pública e universal e o recoñecemento ao encomiable labor do persoal sanitario.

 

Ademais da semFYC, entre as organizacións sociais, científicas e sindicatos promotores figuran Médicos del Mundo, Salud por Derecho, Federación de Asociaciones para la Defensa de la Sanidad Pública – FADSP-, UGT, CCOO, Yo Sí sanidad Universal e outras plataformas, coordinadoras e federacións. Algunhas delas compareceron xa ou o farán proximamente como entidades expertas no seno da Comisión Parlamentaria.

A campaña #DespuésDeAplaudir insta, por unha banda, á mobilización cidadá, para que máis alá dos aplausos se siga apoiando o fortalecemento do Sistema Nacional de Saúde. Pola outra, a través de 12 Recomendacións que foron previamente presentadas aos grupos políticos, lembra aos representantes parlamentarios as medidas políticas e orzamentarias necesarias para fortalecer o sistema de saúde e reforzar a súa capacidade para afrontar os desafíos que a pandemia da COVID-19 revelou.

A alianza de organizacións lembra que, despois de aplaudir, chegou a hora de dotar con máis recursos á nosa sanidade pública para evitar situacións de colapso como as que se chegaron a vivir nalgunhas comunidades autónomas, que non se deberon exclusivamente á excepcionalidade da actual crise sanitaria. Os constantes recortes que sufriu a sanidade española nos últimos anos diminuíron substancialmente os seus recursos e debilitaron, en consecuencia, a súa resiliencia.

 

A campaña interpela aos representantes políticos para que non esquezan que, despois de aplaudir, toca recoñecer que a Atención Primaria xoga un papel imprescindible na saúde pública e que é a base do noso sistema sanitario. Sen ela, non existe prevención que permita a detección temperá de enfermidades que eviten complicacións.

Despois de aplaudir toca defender unha Sanidade Pública máis forte e universal que ofreza atención sanitaria gratuíta a toda a poboación do país, sen excepción. A crise actual, advirta a campaña, ensinounos que existe un vínculo ineludible entre a saúde individual e colectiva. Negar o dereito á protección da saúde a persoas que viven no noso territorio, independentemente da súa situación administrativa, non só é inxusto, senón que pode poñer en risco a saúde do conxunto da poboación.

Despois de aplaudir é tamén unha invitación para saber que é hora de comprender que a sanidade, se non é para todas as persoas, non é para ninguén, porque é un dereito esencial da cidadanía e, polo tanto, non debe ser susceptible de mercantilización. É fundamental ter presente que a resposta á maior crise sanitaria que viviu este país na historia recente viu dende a sanidade pública. Os modelos privatizadores impulsados na última década guíanse primordialmente por criterios economicistas e de beneficio que nada teñen que ver co fin principal dun sistema sanitario, que non é outro que a protección da saúde da cidadanía.

Despois de aplaudir, toca esixir compromisos cara unha sanidade para todas as persoas que non estea sometida aos vaivéns políticos do país. É preciso un compromiso forte e inequívoco por parte de todos os actores políticos cunha sanidade pública, universal e de calidade que conte con financiamento suficiente.

#DespuésDeAplaudir pide á cidadanía que se sume a esta campaña a través de diversas accións e reclame máis Sanidade pública e universal.

12 recomendacións para recuperar e garantir unha sanidade pública, universal e de calidade

Deja una respuesta

Su dirección de correo electrónico no será publicada.

Este sitio usa Akismet para reducir el spam. Aprende cómo se procesan los datos de tus comentarios.

Emprego de cookies

Este sitio web emprega cookies para que poida disfrutar da mellor experiencia coma usuario. Se vostede continúa navegando, consinte e acepta as mencionadas cookies e a nosa política de cookies, Pinche no enlace para máis información.

ACEPTAR
Aviso de cookies