Comunicado sobre o bono de hostelería para sanitarios anunciando pola Xunta de Galicia

0 351

A Asociación Galega de Medicina Familiar e Comunitaria (Agamfec), sociedade de medicina de familia galega que conta con máis de mil socios na comunidade, quere trasladar á cidadanía, aos seus socios e ao Goberno galego, o seu malestar e rexeitamento pola medida anunciada polo presidente Alberto Núñez Feijóo de outorgar un bono para hostelería aos profesionais sanitarios, das residencias da terceira idade e de centros de atención á discapacidade que antes se apunten a esta sorte de rifa, como compensación pola súa labor fronte á pandemia por COVID-19.

Este tipo de medidas populistas danos vergoña e retrotráenos aos bocadillos das manifestacións franquistas e ás megacomilonas que organizaban Fraga ou mesmo Baltar nas súas políticas populistas e de mendicidade electoral.

Os médicos de familia rexeitamos este tipo de medidas Neo-Fragistas que tiñamos esquecidas, avergóñanos e pensamos que non é unha proposta seria de agradecemento. Hai outros xeitos de facelo: apostando pola sanidade pública, por unha Atención Primaria de calidade. Por facer un estudo crítico da resposta á pandemia e propulsar medidas correctoras das disfuncións detectadas e darlle protagonismo aos profesionais, verdadeiros protagonistas da atención, coñecedores do sistema. Xa basta de medidas de propaganda, xa chegou co estudo de seroprevalencia. É hora de propostas, de solucións.

Deja una respuesta

Su dirección de correo electrónico no será publicada.

Este sitio usa Akismet para reducir el spam. Aprende cómo se procesan los datos de tus comentarios.

Emprego de cookies

Este sitio web emprega cookies para que poida disfrutar da mellor experiencia coma usuario. Se vostede continúa navegando, consinte e acepta as mencionadas cookies e a nosa política de cookies, Pinche no enlace para máis información.

ACEPTAR
Aviso de cookies