XV RUTA AGAMFEC: ROTEIRO DA BROA

0 253

Data: Sábado 10 de marzo de 2018

Hora de encontro: 10.00 horas

Duración aproximada: 5  horas

Punto de encontro: Aldea de Fontao, Concello  de A Merca. Comarca da Terra de Celanova.

Finaliza no punto de partida (circular): Si

Distancia percorrida: 13,5 Km.

Dificultade: moderada

Recomendamos: levar botas, roupa de choiva, aguda e comida (comeremos durante a ruta).

 

O grupo de exercicio físico AGAMFEC ofrécelle unha nova ruta de sendeirismo.

Nesta ocasión por terra de A Merca (Ourense). Como sempre, calquera persoa interesada na natureza e no exercicio pode asistir.

O roteiro leva o nome da asociación que o recuperou. Pon en valor a herdanza, paisaxismo e riqueza natural de A Merca. Recorre lugares singulares por caminos de carros, pasando por carballeiras e soutos centenarios ben conservados. Tamén pola aldea abandonada de Ponte Ermida, a capela Carmo de Entreambosríos, os hórreos da pintoresca cidade de Olás e Oxén, unahas das xoias do noso patrimonio, o maior conxunto de canastros de toda Galiza.

Unha parte do percorrido deste roteiro coincide coa estrada real (O Real) tamén chamada Vera Vella onde os zapateiros de Vilanova dos Infantes adoitaban comprar coiro  en Allariz. Nun pequeno tramo entramos nos terreos do concello de Allariz.

 

 

A asociación de A Broa o describe así:

Saímos da aldea de Fontao.Bordeamos a antiga escola, agora restaurada, e xiramos a dereita para seguir polo “camiño dos Pequenos” ata chegar a estrada asfaltada, descendendo uns metros e continuar a dereita na “curva do Cancelo” pola pista de terra. Chegamos ao “carballo do Ferreiro”, e no cruce seguiremos recto polo camiño de Magarelos, ata chegar a unha nova indicación que nos manda xirar a esquerda para descender polo “camiño do Poulo”, ata atoparnos co camiño que ven da Portela. Neste punto seguimos a esquerda descendendo ata chegar a carón do río Arnoia, na “presa do Cholas”. Continuamos pola marxe esquerda, deixando a nosa dereita os restos da presa, ponte e muíños en ruínas. Seguimos o camiño ancho e ascendemos ata o pobo abandonado da “Ponte Ermida” . Saímos atravesando un pequeno regueiro e continuamos a media ladeira por enriba da “presa do Cándido”, ata chegar a un desvío a esquerda para seguir polo “camiño do Cándido” ata a zona do “Castelo”. Continuamos polo camiño a dereita na zona da “Fonte Vella” ata chegar ao pobo de Covas do Río. Seguindo as indicacións chegamos a “aira da Otilia”, continuando pola canella que vemos en fronte para saír a un souto e continuar polo carreiro, ata a zona do “Covelo”. Seguimos a esquerda e ascendemos polo “camiño de Morgade” ata a zona das “hortas de Salpurido”, deixando ao noso paso a dereita os penedos chamados “o coto das Moás”. A dereita descendendo polo “camiño da Fraga” chegamos despois de baixar un pequeno zigzag ata a “fontela da Fraga”. Continuamos por esta fermosa paraxe colgados sobre o río Arnoia, chegando a divisar a nosa dereita o “Canal do Ruca” sobre a marxe dereita do río. Seguindo as indicacións atravesamos Entrambosríos, pasando a carón da capela, para saír de novo a estrada, e logo continuar polo camiño que en lixeiro ascenso nos leva ata Olás. Veremos unha indicación do roteiro debaixo da pista polideportiva. Chegamos de novo a estrada e xiramos a esquerda para antes da fonte subir a dereita, pola zona dos canastros ata ver de novo unha sinal que nos indica que seguiremos a esquerda, para ir dirección ”a fonte dos Ollos”. Podemos desviarnos uns metros a dereita para ver este famoso penedo ou seguir a nosa esquerda pola estrada uns 150 metros, para logo desviarnos a dereita baixando polo piñeiral ao pobo de Oxén. Seguimos a esquerda e sen desviarnos chegamos ao “Camiño Real”. No cruce, de novo a esquerda continuamos ata “o Campo Grande”. Avanzamos ata chegar a estrada da Rebola. Cruzamos e a 50 metros continuamos recto para seguir polo “Camiño Real” ata chegar de novo a Fontao.”

Os esperamos

Deja una respuesta

Su dirección de correo electrónico no será publicada.

Este sitio usa Akismet para reducir el spam. Aprende cómo se procesan los datos de tus comentarios.

Emprego de cookies

Este sitio web emprega cookies para que poida disfrutar da mellor experiencia coma usuario. Se vostede continúa navegando, consinte e acepta as mencionadas cookies e a nosa política de cookies, Pinche no enlace para máis información.

ACEPTAR
Aviso de cookies