Como cada ano, o 18 de novembro se celebra o Día Europeo para o uso prudente dos antibióticos e comeza a Semana Mundial de Concienciación sobre o Uso dos Antibióticos da OMS, que este ano se celebra baixo o lema Antimicrobianos: manéxaos con coidado e que se organiza anualmente para impulsar a toma de conciencia da pandemia antibiótica que hai décadas que axexa a toda a humanidade.
Este ano é o primeiro que esta xornada se celebra co primeiro símbolo global que representa a loita contra a resistencia aos antibióticos, lanzado pola Acción Conxunta Europea sobre Resistencia aos Antimicrobianos e Infeccións Relacionadas coa Asistencia sanitaria (EU-JAMRAI). Este símbolo nace coa vocación de converterse nun obxecto tan emblemático como o lazo vermello do SIDA; que contribúa á visibilizar entre a cidadanía as graves repercusións da perda de efectividade dos antibióticos.
Con motivo desta celebración, compartimos unha serie de recursos de utilidade para os profesionais médicos para fomentar o emprego racional dos mesmos.
- Mensaxes principais para os médicos de Atención Primaria do Centro Europeo para la Prevención y Control de Enfermedades (ECDC)
- Folla de información para médicos de Atención Primaria do ECDC
- Folleto para os pacientes do ECDC
- Modelo para un diálogo co paciente baseado na evidencia dispoñible que axuda e orienta aos médicos de Atención Primaria que se enfrontan ás presións dos pacientes por conseguir antibióticos e fomenta un uso apropiado destes por parte dos pacientes (ECDC).
- Decálogo da semFYC para o uso prudente de antibióticos
- Campaña para o uso prudente de antibióticos da Axencia Española de Medicamentos e Produtos Sanitarios (Aemps)
- Uso responsable dos antibióticos do Ministerio de Sanidade
- As principais infeccións e os seus tratamentos na Guía de tratamento das infeccións máis frecuentes do adulto en Atención Primaria, na revista Cadernos de Atención Primaria
- Recursos do Plan Nacional fronte á Resistencia de Antibióticos (PRAN)
- Descrición xeral dos principais grupos de fármacos antimicrobianos. Antibióticos. Guía ABE
Por outra banda, podedes ler o comunicado da semFYC con declaracións de José María Molero, voceiro do Grupo de Traballo en Enfermidades Infecciosas para conmemorar esta xornada.
Ademais, Aemps celebra, mañá ás 10.30 horas, unha xornada baixo o título Covid-19 y resistencia: impacto de la pandemia en el uso de antibióticos y relevancia del enfoque ‘One Health’. Podes seguila en streaming nesta enlace
