Ata o martes 31 de maio de 2016, Día Mundial Sen Tabaco 2016, desde semFYC se esta desenvolvendo, a XVII Semana sen Fume
Este ano a OMS fai un chamamento a todos os países para que se preparen para o empaquetado neutro dos produtos de tabaco. Diminuíndo así o atractivo dos paquetes de tabaco e aumentando a eficacia das advertencias sanitarias.
En decembro de 2012, Australia converteuse no primeiro país que aplicou plenamente o empaquetado neutro.
En 2015, Irlanda, o Reino Unido de Gran Bretaña e Irlanda do Norte e Francia aprobaron leis para dar efecto ao empaquetado neutro a partir de maio de 2016.
Varios países atópanse nunha etapa avanzada con respecto á consideración da adopción de leis sobre o empaquetado neutro.
Aínda que xa finalizou o prazo imposto por Bruxelas para a transposición en España da Directiva Europea sobre Tabaco que contempla a implantación do empaquetado xenérico, o Goberno só anunciou que continua coa súa tramitación para ser aprobada.
Segundo o informe Post-Implementation Review Tobacco Plain Packaging 2016 do departamento de saúde de Australia, as taxas de tabaquismo diminuíron do 19,4% ao 17,2% en máis de 14 anos, no que influíu entre outros a etiquetaxe xenérica neutra.
Obxectivos da campaña do Día Mundial Sen Tabaco 2016
O Día Mundial Sen Tabaco 2016 ten como obxectivo:
- Subliñar o papel do empaquetado neutro como parte dun enfoque integral e multisectorial do control do tabaco.
- Facilitar a formulación de políticas polos Estados Membros e a implantación mundial do empaquetado neutro proporcionando información significativa, convincente e persuasiva.
- Alentar aos Estados Membros a reforzar as medidas e restricións relativas ao empaquetado e a etiquetaxe, en particular con respecto á publicidade, a promoción e o patrocinio, a medida que avanzan cara á adopción do empaquetado neutro de maneira gradual.
- Apoiar aos Estados Membros e a sociedade civil nos seus esforzos contra a inxerencia da industria tabacalera nos procesos políticos conducentes á adopción de leis sobre o empaquetado neutro.