A Fundación semFYC, a través da súa estrutura de investigación, convoca dúas axudas para a realización de proxectos de investigación no ámbito da medicina de Familia e Comunitaria, liderados por persoas investigadoras emerxentes da semFYC.
Nesta convocatoria financiaranse ata dous proxectos de investigación en Medicina de Familia que reúnan as condicións e requisitos descritos nas bases, destinándose un total máximo de 5.000 euros brutos para cada proxecto.
Poderán beneficiarse das axudas incluídas na presente convocatoria aquelas propostas de proxectos de investigación nas que o/a investigador/a principal cumpra cos requisitos descritos nas bases. O tema deberá estar relacionado coas áreas estratéxicas identificadas pola semFYC nesta convocatoria: epidemioloxía, prevención e tratamento dos problemas de saúde máis relevantes nos ámbitos da Medicina de Familia, así como outros aspectos clínicos, de xestión e prestación de servizos de interese para profesionais da Medicina de Familia.
Consulta as BASES DA CONVOCATORIA
O prazo de presentación de solicitudes remata o 15 de setembro de 2026.
Para calquera consulta contacta con investigacion@semfyc.es