Comunitaria sen escusas. Xornada de Saúde Comunitaria AGAMFEC

Dende o grupo de traballo PACAP de AGAMFEC (Programa de Actividades Comunitarias en Atención Primaria) queremos animarvos a asistir á nosa Xornada de saúde comunitaria: “Comunitaria sen escusas” o día 3 de Outubro no Edificio Sociocultural de Lalín.

A xornada versará sobre ferramentas de Investigación-Acción Participativa (IAP), empezando cunha introdución común mediante unha dinámica de tertulia-café, para proceder despois aos talleres, dos cales se terán que escoller dous, un en cada tramo horario dispoñible:

Obradoiro 1: Ferramenta Evalguía

Obradoiro 2: Escape room

Obradoiro 3: Sociodrama

Pecharemos a mañá cun mapa de emocións e daremos paso ás actividades da tarde, que son opcionais.

Nos Encontros e Xornadas do PACAP buscamos compartir coñecemento práctico e teórico sobre saúde comunitaria. As nosas metas principais son promover a participación cidadá, impulsar o traballo en rede entre diferentes profesionais da saúde e difundir ferramentas metodolóxicas de intervención comunitaria.

Esperámosvos!

+ info e inscricións na WEB da Xornada Comunitaria sen escusas