programa MEDYFAR Día Europeo para o Uso Prudente dos Antibióticos

A aparición e propagación das infeccións causadas por bacterias resistentes ao tratamento con antibióticos ( ATB), constitúe unha das ameazas máis graves para a saúde pública a nivel mundial: segundo un estudo da Comisión Europea e o Centro Europeo para a Prevención e o Control de Enfermidades ( ECDC), as infeccións por bacterias resistentes aos antibióticos causan 33.000 mortes ao ano en Europa.

Esa resistencia esta causada, en gran medida, polo uso excesivo e inadecuado dos antibióticos. O papel dos farmacéuticos e dos médicos de familia neste ámbito é esencial. Por iso é importante fomentar as intervencións conxuntas e coordinadas entre os profesionais sanitarios de AP e da farmacia comunitaria.

Este ano, co obxectivo de impulsar mensaxes e accións que cheguen ao máximo de destinatarios, dende semFYC e o os Colexios oficiais de farmacéutico impúlsase unha campaña divulgativa e a realización de un curso sobre uso prudente de antibioterapia, recursos que che achegamos máis abaixo,

DECÁLOGO PARA O USO PRUDENTE DE ANTIBIÓTICOS

1.Moitas infeccións son producidas por virus e, ante eles, os antibióticos non funcionan. Utilizalos unicamente serve para que aparezan bacterias resistentes e que o seu tratamento sexa máis difícil.

2.-Ante os síntomas do que consideres unha enfermidade infecciosa ( gripe, COVID-19, gastroenterite, etc), contacta co teu médico para que realice a valoración e diagnóstico pertinentes.

3.-Utiliza antibióticos unicamente cando chos prescriba un profesional sanitario autorizado.
4.-Non presiones nin solicites antibióticos se os profesionais sanitarios din que non son necesarios.5.-Soamente se poden dispensar antibióticos cunha receita válida, non presiones ao teu farmacéutico para que chos dispense sen receita.
6.-Toma o antibiótico as veces e os días que che indicaran. Non deixes de tomar o antibiótico cando os síntomas desaparezan, salvo que así cho especificara o teu médico.
7.-Non te automediques utilizando antibióticos prescritos a outras persoas ou utilizando restos de antibióticos de tratamentos previos.
8.-Non gardes restos de antibióticos na casa. Cando acabes o tratamento, leva estes restos ao punto SIGRE da túa farmacia para a súa correcta reciclaxe e eliminación.
9.-Se es alérxico a algún antibiótico, informa sempre ao teu médico, odontólogo ou farmacéutico, e é recomendable levar algún tipo de identificación (tarxeta, medalla, pulseira, etc.).
10.-Se tes mascotas en casa, utiliza antibióticos soamente cando os prescriba o veterinario e presenta na túa farmacia a receita correspondente.

Tamén nos gustaría aproveitar para recomendarche a excelente Guía Rápida de manexo das enfermidades infecciosas, recentemente editada.

Deja un comentario

Tu dirección de correo electrónico no será publicada. Los campos obligatorios están marcados con *

Este sitio usa Akismet para reducir el spam. Aprende cómo se procesan los datos de tus comentarios.

Emprego de cookies

Este sitio web emprega cookies para que poida disfrutar da mellor experiencia coma usuario. Se vostede continúa navegando, consinte e acepta as mencionadas cookies e a nosa política de cookies, Pinche no enlace para máis información.

ACEPTAR
Aviso de cookies