CURSO: Técnicas prácticas en suturas e infiltracións para Atención Primaria
Este curso consta de 2 obradoiros presenciais con introdución á teoría e metodoloxía práctica, en horario de tarde (4 horas formativas presenciais) o mércores 17 de decembro no Centro de Saúde do Milladoiro (Ames) de 16:30h a 20:30h.
OBRADOIRO 1:
– Cirurxía menor para atención primaria: técnicas básicas de sutura.
OBRADOIRO 2:
– Técnicas de infiltración para médicos de atención primaria.
O obxectivo do Curso é desenvolver destrezas manuais en técnicas básicas de sutura e infiltracións esenciais nas consultas de Atención Primaria.
Formaranse 2 grupos de alumnos que realizarán por turnos os obradoiros, de forma que tódolos participantes asistan ao total da sesión en grupos reducidos.
Actividade recoñecida de interese sanitario pola Consellería de Sanidade. Expediente núm: SA301A 2025/46-1