A Agamfec, a sociedade dos Médicos de familia galegos, recibiu con orgullo e ainda mais ledicia a concesión da medalla Castelao á nosa socia, amiga e compañeira Rosa Rodríguez, nunha decisión do consello da Xunta que fai por vez primera a unha médica de familia.
Todos as que a coñecemos sabemos da súa excelencia profesional a través dos cursos, talleres, charlas e organización de congresos da nosa sociedade. Tamén sabemos da súa calidez e empatía, pero quedamos impresionados e tan emocionados coma ela cando contemplamos o video dos seus pacientes dandolle unha homenaxe no día da súa despedida. Se ter o mesmo médico de familia 15 anos diminúe a mortalidade dos asegurados nun 25%, os pacientes de Rosa serán todos lonxevos despois de ter tan excelente profesional máis de 30 anos. Queremos darlle parabéns a Rosa por ser un exemplo marabilloso para os seus residentes, por ser un alicerce para os novos médicos de familia, por dar á atención primaria o prestixio que merece, por ser, de verdade, unha especialista en persoas (a diferenza dos especialistas en órganos) ca dificultade e o mérito que esto implica.
Agardámoslle unha feliz xubilación e desexamos que sexa a pioneira dunha gran lista de homenaxes aos médicos de familia galegos nestos tempos tan difíciles para a atención primaria.
