Nota de AGAMFEC sobre o proxecto de contratación de médicos sen especialidade

A xunta directiva de Agamfec, sociedade científica que representa a mil médicos de familia galegos, e que ademais foi creada para defender e velar polo desenvolvemento adecuado da medicina familiar e comunitaria en Galicia, quere manifestar á opinión publica, e por encima de todo á nosa administración sanitaria que rexeitamos a proposta da consellería de Castela e León de contratar para Atención Primaria e urxencias a médicos licenciados sen formación posgrao como así o esixe a lexislación europea e nacional.

Nós, que defendemos a modernización do noso sistema sanitario, promovemos a excelencia do primeiro nivel asistencial, a Atención Primaria, e estamos comprometidos coa formación posgraduada cunha chea de abnegados e voluntaristas socios que exercen diariamente de titores nos centros de saúde, non podemos tolerar o retroceso temporal e de calidade que supoñería a incorporación de médicos sen formación a un sistema sanitario que presume de ser dos mellores do mundo. Despois dunha política de recursos humanos e materiais rañicas con atención primaria, agora tócalle a quenda ao mais sagrado do sistema sanitario: A formación médica e a competencia profesional.

Advertimos que non quedaremos de brazos cruzados se este atropelo segue adiante e esténdese, creando mais bolsas de inequidade na sufrida poboación victima de recortes, cuxo único consolo é a calidade e confianza nos seus profesionais de atención primaria.

Seguimos insistindo que o problema non é a falta de médicos senón a falta de bos e dignos contratos para os nosos ben formados médicos de familia. Se queremos experimentar, fagamolo cunha contratación digna e non rebaixando os niveis de esixencia profesional, porque ao final págano sempre os mais débiles: os nosos enfermos a quen nos debemos e a quen dedicamos todo o noso saber, esforzo e ilusión.

A xunta directiva,
Santiago 28/01/2019

Para mais información:  https://www.agamfec.com/contacte-con-agamfec/

Deixar un comentario

O teu enderezo electrónico non se publicará Os campos obrigatorios están marcados con *

Este sitio emprega Akismet para reducir o spam. Aprende como se procesan os datos dos teus comentarios.

Emprego de cookies

Este sitio web emprega cookies para que poida disfrutar da mellor experiencia coma usuario. Se vostede continúa navegando, consinte e acepta as mencionadas cookies e a nosa política de cookies, Pinche no enlace para máis información.

ACEPTAR
Aviso de cookies