DEBATE ABERTO PARA UN MODELO GALEGO DE ATENCIÓN PRIMARIA

1 608

Esta publicación tamén está dispoñible en: Español (Castelán)

Convidámosche a que enchas e compartas este formulario para definir o novo modelo:

Pulsa aqui para ENCHER FORMULARIO

No ano 1985 iníciase, seguindo o ronsel de Alma-Ata, a chamada Reforma da Atención Primaria. Postulábase entón un novo modelo, cunha intensa motivación profesional e unha gran ilusión social. Pronto se viu condicionada pola lentitude no cambio, a convivencia durante moitos anos con antigas estruturas e a aparición de novos os modelos de xestión centrados na atención hospitalaria. O resultado foi o seu progresivo afastamento dos postulados iniciais.
En outubro de 2018, celebrouse unha nova conferencia en Astaná, na que se reafirman os compromisos expresados na ambiciosa e visionaria Declaración de Alma-Ata de 1978. Os gobernos e organizacións presentes están convencidos de que o fortalecemento da Atención Primaria é o enfoque máis inclusivo, eficaz e efectivo para a mellora da saúde, e é a pedra angular dun sistema de saúde sustentable para a cobertura sanitaria universal. Un sistema no que a saúde dos individuos non se separa da saúde das sociedades e os valores que sustentan esas sociedades.

Que pasaba nas consultas? Dous compoñentes marcan agora a atención do día a día: a situación demográfica de Galicia e o aumento da cronicidade. Non só pacientes crónicos, son tamén cada vez máis complexos, en todas as idades da vida. Dende nenos con enfermidades raras a persoas maiores que viven soas, con múltiples patoloxías, con diversos contextos sociais, económicos e culturais, nais maiores e avoas novas. Non só pacientes, son persoas que viven en comunidades múltiples: barrios, parroquias, redes, asociacións, bandas de música ou equipos deportivos.

Mentres, o financiamento de atención primaria foise comprimindo porcentualmente, pola crise e pola integración en áreas supostamente de saúde. Deterioráronse centros de saúde e/ou equipos e, sobre todo, reduciuse o número de profesionais por xubilacións ou por contratos non competitivos con outras comunidades autónomas ou países. Os maiores xubílanse e os mozos emigran onde ofrécenlles mellores condicións laborais e económicas.

As consecuencias están na prensa: Os profesionais sanitarios mobilizáronse porque saben facer ben o seu traballo e queren facelo ben. Porque queren o tempo e a tranquilidade para atender á persoa que veu a consultarlles.

Dende AGAMFEC cremos que chegou o momento de facer cambios radicais. Queremos debater, de forma aberta, colaborativa, con profesionais e cidadáns, as bases dun Modelo Galego de Atención Primaria, con tres eixos:
• Enfocar a atención hacia a complexidade e os procesos comunitarios.
• Reestruturar a organización, profesionais, comunicación e competencias.
• Financiar atención primaria de forma completa, suficiente, independente e autoxestionada.

Este documento elaborouse incorporando as reflexións dos profesionais nestes intensos días, pero non é o fin do debate senón o principio. Presentamos unha folla de ruta, conscientes de que só o consenso permitirá deseñar e implantar un modelo de Galicia para Galicia.

1 comentario
  1. Maria Jesus Neira Vázque di

    Primero, dejad a los PAC tranquilos, hay gente que quiere desarrollar su carrera en ellos el que quiera pasar a consulta tiene muchas formas de hacerlo.
    El horario es el adecuado. Y volver a las consultas con guardias me parece un atraso.
    La autogestión es un timo, y no desarrolla la equidad entre los distintos centros, especialmente entre rural y lo urbano,
    Los sitios en los que está implantado como áreas de gestión están deseando revertirlo.

Deixa unha resposta

A súa dirección de correo electrónico non será publicada.

Este sitio emprega Akismet para reducir o spam. Aprende como se procesan os datos dos teus comentarios.

Emprego de cookies

Este sitio web emprega cookies para que poida disfrutar da mellor experiencia coma usuario. Se vostede continúa navegando, consinte e acepta as mencionadas cookies e a nosa política de cookies, Pinche no enlace para máis información.

ACEPTAR
Aviso de cookies