Podes conseguir unha bolsa con inscrición gratuita para o IV Congreso de Residentes, JMF, Tutores y UUDD de semFYC deste ano.
Dende AGAMFEC e semFYC poñemos en marcha por primeira vez as Bolsas para Residentes. É unha nova iniciativa para apoiar e recoñecer a participación dos e as residentes nas actividades da semFYC.
Estas bolsas proporcionan a inscrición ao “IV Congreso de Residentes, JMF, titores e Unidades Docentes”, que se celebrará en Zaragoza os días 20 e 21 de marzo. Un encontro formativo que volve apostar por un formato gamificado, pensado para compartir coñecemento, experiencias e novas formas de aprender.
En que consisten as bolsas?
- Dispoñemos de 5 inscricións gratuitas para residentes que envíen polo menos unha comunicación ao congreso.
- Este número poderá ampliarse con ata 2 bolsas adicionais se as comunicacións corresponden a traballos de investigación (proxectos ou resultados).
O prazo para facer a solicitude remata o luns 2 de febreiro!
Animamos aos nosos residentes a solicitar estas bolsas.
Contacta con secretaria@agamfec.com para coñecer os pasos para seguir e resolver calquera dúbida.
Info do congreso NESTE ENLACE