Día Mundial das Enfermidades Reumáticas.
Dende o grupo de Traballo de Patoloxía Osteoarticular e Infiltracións de AGAMFEC queremos destacar a relevancia do noso traballo no manexo das afeccións músculo-esqueléticas, que representan unha causa frecuente de consulta nas nosas consultas.
Os nosos principais obxectivos son:
* Formación e actualización: Proporcionar aos médicos de familia de Galicia as ferramentas e coñecementos necesarios para un diagnóstico e tratamento precisos da patoloxía osteoarticular.
* Mellora da calidade asistencial: Estandarizar e optimizar as técnicas de infiltración, garantindo a seguridade e a efectividade destos procedementos na atención primaria.
* Investigación: Fomentar a investigación neste campo, contribuíndo á xeración de evidencia científica que respalde as mellores prácticas clínicas.
* Colaboración interdisciplinar: Traballar en rede con outras especialidades para garantir unha atención integral e coordinada aos nosos pacientes.
Estamos comprometidos a mellorar a calidade de vida dos pacientes con problemas osteoarticulares, proporcionando unha atención cercana, accesible e de alta calidade desde a medicina familiar e comunitaria.
María Teresa Ferreiro Serrano
Coordinadora do Grupo de Traballo de Patoloxía osteoarticular e infiltracións de AGAMFEC
Asociación Galega de Medicina Familiar e Comunitaria