Data: 11 de Xullo 2021
Hora de encontro: 10:00 horas
Punto de encontro: No Lagar da Cera de Paraños (Covelo). https://goo.gl/maps/iDJuNzyQdkgYu1f88
Recorrido: Paraños → Portocortiñas → Área recreativa do Roupeiro → Pozo do Demo → Portaseixas → As Millariñas → As Chozas → Ponte Folón → Prado de Canda → Cotos da Bouza → Corzós → A Lamosa → Paraños.
Distancia: 17 km
Perfil altitudinal
· Altura sobre o nivel do mar: 342 m de mínima e 651 m de máxima
· Desnivel acumulado: 507 m baixando e 503 m subindo
Grado de dificultade: medio.
Imprescindibles:
· Calzado cómodo
· Auga ou líquidos abundantes
· Bocata ou comida
Tamén se pode traer bañador para unha mergullada no río.
Sobre a ruta
O río Xabriña, afluente do Tea, é o protagonista deste roteiro circular que parte da parroquia de Paraños percorrendo Prado de Canda e A Lamosa.
Ademais da vexetación, pódese gozar tamén da riqueza etnográfica e cultural da zona, xa que durante o roteiro atopamos elementos como a igrexa parroquial de Paraños, varias cerarías antigas, uns trinta muíños ao longo do río, camiños tradicionais, fontes, pasos de auga e pontes.
O seu deseño circular divídese en dous aneis: o primeiro percorre o río dende Paraños a través de frondosos bosques ata Ponte Folón; e o segundo visita Prado e A Lamosa, e achéganos ao Miradoiro de Cotos da Bouza e a pequenas aldeas onde os antigos artesáns dedicábanse a traballar coa cera.
En varios puntos do camiño encontraremos paneis con poesías do libro Os Eidos de Uxío Novoneyra.
