XXIV Xornadas AGAMFEC de Medicina Familiar e Comunitaria

0 1

Esta publicación tamén está dispoñible en: Español (Castelán)

Cóntanos a historia que, alá polo século XVI, os Condes de Lemos deron a coñecer o rico patrimonio arquitectónico e cultural das Terras de Lemos. Séculos de tradición caracterizan estas Terras, con gran similitude ó traballo realizado pola Atención Primaria.

É Monforte de Lemos a capital da Ribeira Sacra, cunha viticultura heroica na que, por moita pendente que presente o terreo, acádanse grandes resultados. Comparable á heroicidade do noso cada vez máis difícil día a día na consulta, con pouco tempo e recursos, sempre na procura da mellor atención para os nosos doentes.

Se miramos ó lonxe, tres grandes ríos conforman a Comarca, o Miño, o Sil e o Cabe,  correntes que arrastran os matices da natureza centenaria da zona, para confluír e sumar forzas. Así coma nós, que seguimos ampliando coñecementos e xuntámonos en eventos coma este para compartilos e crecer como profesionais e humanos.

Nunha época onde semella que disgregan os camiños da Atención Primaria, nunha zona que se ve cada vez máis envellecida e despoboada, queremos volver ó traballo en equipo e á comunidade, para lembrar a orixe e os nosos apelidos. Xuntar as nosas forzas para obter grandes resultados é a mellor opción.

Queremos que gocedes dun congreso moi participativo con obradoiros que atenden urxencias, crean plans de saúde e traballan coa comunidade. Con mesas que falan de violencia nas mulleres e de novas terapias para os pacientes crónicos, e nas que gozaremos da visión da Primaria dende moitas perspectivas.

Por todo o dito, convidámosvos a unir as nosas forzas nestas Terras do 26 ó 28 de marzo, para recibir a primavera e seguir sumando, porque “[email protected] construímos Primaria”.

¡Estade atentos ó correo e as redes sociais, porque próximamente, teredes máis novidades!

Deixa unha resposta

A súa dirección de correo electrónico non será publicada.

Este sitio emprega Akismet para reducir o spam. Aprende como se procesan os datos dos teus comentarios.

Emprego de cookies

Este sitio web emprega cookies para que poida disfrutar da mellor experiencia coma usuario. Se vostede continúa navegando, consinte e acepta as mencionadas cookies e a nosa política de cookies, Pinche no enlace para máis información.

ACEPTAR
Aviso de cookies