A dor en todas as súas modalidades é unha das patoloxías máis frecuentemente atendidas nas consultas de Atención Primaria, sabemos que ten unha prevalencia moi alta entre a poboación e que a dor crónica ten graves implicacións non so para aquelas persoas que a sofren, senón tamén para a sociedade en xeral, en termos tanto de saúde como económicos.

A propia sociedade é consciente da amplitude do problema, demandando que se adiquen tempo e recursos ao seu tratamento. Os xestores sanitarios están a ser máis sensibles, tendendo a abarcala coa implicación dos dous niveis sanitarios e xa se están a dar na nosa comunidade os primeiros pasos neste senso.

Entre algúns dos obxectivos a suliñar atoparíanse:
de promover a formación, a investigación a nivel da Atención Primaria,
a actualización das evidencias científicas no campo da dor,
a transmisión destas aos afiliados e médicos de A.P
e conquerir a interrelación con outras sociedades científicas sensibles a este problema.

Obxectivos xerais:

1.Asesorar a AGAMFEC e a SEMFYC no campo do diagnóstico e tratamento da dor.
2.Divulgar as evidencias científicas que vaian aparecendo velando pola calidade da produción científica.
3.Impeler a actividade científica e fomentar a investigación entre os médicos de familia
4.Colaborar coas Unidades Docentes de Medicina Familiar e Comunitaria de Galicia na formación dos médicos residentes da especialidade.
5.Colaborar cos órganos de expresión e difusión científica da AGAMFEC.
6.Establecer relacións e promover a colaboración con sociedades, do eido galego, estatal ou extranxeiro, que abarquen o estudio, diagnóstico e tratamento da dor.

ACTIVIDADES

1.Autoformación dos membros do grupo.
2.Participación en Congresos, Xornadas, Mesas de Debate…etc.
3.Desenvolvemento de liñas de investigación propias e publicación dos resultados obtidos.
4.Actualizacións periódicas de publicacións sobre o campo da dor.
5.Intentar estimular a relación coa Administración e Universidade