GRUPO DE ALCOHOLISMO
       
     
RESPONSABLE DO GRUPO:
CONTACTO:

Jacinto Mosquera Nogueira
Médico de familia. CS Bembrive (Vigo)

         
     
MEMBROS DO GRUPO:

Carmen Guimeráns Freijeiro
Psicóloga Unidade de Alcohol de Vigo

         
     
PRESENTACIÓN E OBXECTIVOS DO GRUPO:

O Grupo de Alcol de AGAMFEC intenta desenvolver unha serie de actividades formativas que permitan aos profesionais da Atención Primaria en Galicia e, en particular, aos médicos de familia, manter unha formación continuada en relación cos problemas relacionados co consumo de alcol.
Esta actividade formativa desenvolveuse tanto en Congresos da especialidade, como nas Xornadas de Actualización SEMFYC, en Xornadas de Residentes, en cursos promovidos por FEGAS, en cursos promovidos pola Xerencia de Atención Primaria de Vigo, etc.

As últimas novidades sobre cuestionarios diagnósticos, a profundización en entrevista motivacional e a aparición dalgunhas novas terapéuticas farmacológicas, seguen facendo necesario o esforzo formativo para seguir introducindo na práctica clínica dos profesionais de Atención Primaria, as actividades preventivas e de tratamento referidas ao consumo de alcol.
 
CARTEIRA DE SERVIZOS :

Oferta de talleres

TALLER: "O ALCOL EN ATENCIÓN PRIMARIA DE SAÚDE"
Destinatarios: médicos e enfermeiras de Atención Primaria
Obxectivo: formar aos profesionais de Atención Primaria nos aspectos máis relevantes da atención aos pacientes con problemas de alcol e a súa prevención.
Contidos: Importancia do problema. Como previr?. Como intervir?. Cando e como derivar?
Duración: 4 horas (este taller ao ser o máis xenérico, é máis flexible en canto a horario de realización).
Metodoloxía: presentación de casos clínicos e discusión aberta sobre os mesmos

TALLER: "QUE DEBE SABER O MÉDICO DE FAMILIA SOBRE O ALCOL"
Destinatarios: médicos de Atención Primaria
Obxectivo: formar ao médico de familia en todos os aspectos da súa competencia en relación aos problemas relacionados co alcol
Contidos:
-Como preguntar e como cuantificar o consumo de alcol
- Criterios diagnósticos de consumo de risco e dependencia
- Intervención ante os consumos de risco
- Abordaxe da dependencia alcohólica. Que podemos facer nós e como derivar?
Metodoloxía: presentación de casos clínicos e discusión aberta sobre os mesmos
Duración: 20 horas

TALLER: " ABORDAXE DOS PROBLEMAS DE ALCOL: O DIAGNÓSTICO"
Destinatarios: médicos de Atención Primaria
Obxectivo: formar ao médico de familia no diagnóstico dos problemas de alcol e proporcionar as ferramentas que o facilitan.
Contidos:
- Como preguntar e como cuantificar o consumo de alcol
- Concepto de consumo de risco
- Ferramentas diagnósticas
- Como descartar dependencia alcohólica
Metodoloxía: presentación de casos clínicos e discusión aberta sobre os mesmos
Duración: 10 horas.

TALLER: "TRATAMENTO DOS PROBLEMAS RELACIONADOS CO ALCOL"
Destinatarios: médicos de Atención Primaria
Obxectivo: formar aos médicos de familia na forma de intervir ante un problema de alcol
Contidos:
- Principios da intervención motivacional adaptada ao alcol
- Obxectivos do tratamento
- Proposta de seguimento
- A derivación dos dependentes de alcol
- Desintoxicación ambulatoria
- Estratexias de redución do dano
Metodoloxía: presentación de casos clínicos e discusión aberta sobre os mesmos
Duración: 10 horas.

TALLER: "QUE DEBE SABER A ENFERMERÍA SOBRE O ALCOL?"
Destinatarios: enfermeiras de Atención Primaria
Obxectivo: formar ás enfermeiras de familia na abordaxe dos problemas de alcol
Contidos:
- Conceptos básicos de alcol, consumo de risco e dependencia alcohólica
- Como preguntar e como cuantificar o consumo de alcol
- Como intervir nos consumidores de alcol de risco
- A prevención do consumo de alcol
Metodoloxía: presentación de casos clínicos e discusión aberta sobre os mesmos
Duración: 10 horas

TALLER: "PAPEL DAS TRABALLADORAS SOCIAIS NO PROBLEMA DO ALCOL"
Destinatarios: traballadoras sociais do ámbito da saúde, tanto de Atención Primaria como de especializada.
Obxectivos: formar ás traballadoras sociais no problema do alcol
Contidos:
- Impacto social do problema do alcol
- Detección dos problemas de alcol
- Derivación
- Intervención na contorna do paciente con problemas de alcol
Metodoloxía: presentación de casos clínicos e discusión aberta sobre os mesmos
Duración: 10 horas.

OUTROS TALLERES:

Algúns dos contidos dos talleres relacionados anteriormente, realizáronse como talleres monográficos ante peticións concretas:
"Como realizar unha desintoxicación ambulatoria"
"Utilidade do AUDIT en Atención Primaria"
"Cuantificación do consumo de alcol: metodoloxía e finalidade"
"Especificidades da intervención motivacional no problema do alcol"
"Especificidades da intervención social no alcoholismo"
"Estratexias de redución do dano: que facer cando non se alcanza o obxectivo"
"Como se pode previr e intervir en mozos de risco"

 
PUBLICACIÓNS:

Comunicación ás “XXXVI XORNADAS NACIONAIS DE SOCIDROGALCOHOL" (25, 26, 27 e 28 de marzo de 2009): “IMPACTO DO CONSUMO DE ALCOL E OUTRAS DROGAS NAS URXENCIAS DA ÁREA SANITARIA DE VIGO: UNHA OPORTUNIDADE PARA O TRATAMENTO E A PREVENCIÓN”

CADERNOS DE ATENCIÓN PRIMARIA: biblioscopia sobre alcohol.

 
ACTIVIDADES 2009:

Non se realizou ningunha actividade formativa tipo taller
Participación no “Programa de Formación Continuada do Area de Saúde Mental do CHUVI” con 2 sesións clínicas:

1. Intervencións breves en alcol en Atención Primaria: estado da cuestión na área de Vigo.
2. Políticas de Saúde Pública en Alcol.


Comunicación ás “XXXVI XORNADAS NACIONAIS DE SOCIDROGALCOHOL" (25, 26, 27 e 28 de marzo de 2009): “IMPACTO DO CONSUMO DE ALCOL E OUTRAS DROGAS NAS URXENCIAS DA ÁREA SANITARIA DE VIGO: UNHA OPORTUNIDADE PARA O TRATAMENTO E A PREVENCIÓN”
Publicacións

CADERNOS DE ATENCIÓN PRIMARIA: biblioscopia sobre alcol

Proxectos

-REOFERTA DE TALLERES: actualización da Carteira de Servizos do Grupo
-CURSO ON-LINE EN CADERNOS
-2 ARTIGOS EN CADERNOS: pendente de remitir para publicación

 
ACTIVIDADES 2008:

 

MEMORIA 2007:
 
  • “Obradoiro de abordaxe ao alcoholismo” impartido en Vigo e Pontevedra en Novembro 2007 de 8 horas de duración.
  • 1º Comunicación as Xornadas AGAMFEC 2007: “Intervencións breves en alcohol en AP na área de Vigo” Mosquera Nogueira J.

CARTEIRA DE SERVICIOS: neste senso e para incluír na Carteira de Servicios, ofertamos o noso taller nas súas versións clínica, preventivo - comunitaria ou integrada, para médicos, para enfermeiros ou para ambos:

  • “O que o profesional de Atención Primaria debe saber sobre alcohol” (versión clínica): taller en base a casos clínicos de diferente complexidade e que requiren intervencións diferentes. Na versión para médicos inclúese un apartado especial sobre o diagnóstico e outro sobre fármacos a utilizar.
  • “O que o profesional de Atención Primaria debe saber sobre alcohol” (versión preventiva): taller no que se enfatizan a prevención do consumo de alcohol en xóvenes, do consumo de alcohol excesivo en adultos e da comunidade en xeral.
  • “O que o profesional de Atención Primaria debe saber sobre alcohol” (versión integrada): con ambos aspectos.


MEMORIA 2006:

 

 
MEMORIA 2005:

 

  • Diseño do Obradoiro “Que debe hacer el médico de atención primaria ante los problemas de consumo de alcohol”. Xornadas de Actualización SEMFYC.
  • Artigo “Desintoxicación ambulatoria de alcohol: una opción segura” na revista Adicciones 2005; 17 (1): 29-32.